STAMBOLL- Fondi Monetar Ndërkombëtar ka prezantuar sot në Stamboll "Raportin Ekonomik Rajonal" për Europën Qendrore, Lindore e Juglindore CESEE. Ky raport bëhet për disa shtete.<br /><br />Sipas raportit, rritja ekonomike për Shqipërisë për këtë vit (2014) do të mbetet në të njëjta shifra, 2.1 për qind, ndërsa përmirësime priten në 2015, ku rritja e ekonomisë parashikohet në 3.3 për qind. <br /><br />Ndërkohë që parashikimet e FMN-së japin të dhëna për rritje të borxhit të jashtëm ndërsa borxhi publik pritet të ulet nga 71.7 në 71.2 për 2015.<br /><br />Borxhi i jashtëm shqiptar pritet të vijë në rritje, në 41.4% dhe 43.2% përkatësisht në 2014 dhe 2015, nga 397% në 2013-n. <br /><br />Rritja reale e konsumit privat pritet të kthehet në pozitive në 2014, në 0.5%, nga -2% në 2013-n.<br /><br />Edhe rritja reale e kërkesës së brendshme parashikohet pozitive në 2.9% në 2014-n, nga -0.9% në 2013-n, për t'u zgjeruar ndjeshëm në 5% në 2015-n.<br /><br />TË DHËNA PËR EKONOMINË SHQIPTARE<br /><br />Treguesit kryesorë të ekonomisë shqiptare, sipas raportit të FMN-së për 2012; 2013; 2014; 2015;<br /><br />Rritja reale e PBB-së (%) 1.3; 0.7; 2.1; 3.3<br />Rritja reale e kërkesës së brendshme (%) -3; -0.6; 2.9; 5<br />Rritja reale e eksporteve (%) -3.4; 3.6; 7.1; 7.1<br />Rritja reale e konsumit privat (%) -3; -2; 0.5; 4.1<br />Bilanci llogarisë korente (% ndaj PBB) -9.3; -9.1; -10.3; -12.4<br />Totali i borxhit të jashtëm ndaj PBB-së 37.9; 39.7; 41.4; 43.2<br />Borxhi publik ndaj PBB 62.4; 70.5; 71.7; 71.2<br />Balanca e përgjithshme e qeverisë (% PBB) -3.3; -6.2; -6.7; -6<br /><br />RRITJE DHE RREZIQE<br /><br />Raporti i përvitshëm i FMN-së, "CESEE" bëhet për: Shqipërinë, Bjellorusinë, Bosnja dhe Hercegovinën, Bullgarinë, Kroacinë, Republikën Çeke, Estoninë, Hungarinë, Kosovën, Letoninë, Lituaninë, Maqedoninë, Moldavinë, Malin e Zi, Poloninë, Rumaninë, Rusinë, Serbinë, Sllovakinë, Slloveninë, Turqinë dhe Ukrainën.<br /> <br />Sipas raportit, rritja po përshpejtohet në pjesën më të madhe të CESEE, në valën e rimëkëmbjes së zonës euro, por rajoni po përballet me një valë të pazakontë rreziqesh.<br /> <br />CESEE1 përjashtuar ekonomitë më të mëdha?Rusia dhe Turqia?parashikohet të rritet me 2.3% në 2014, duke shënuar një përshpejtim domethënës në raport me rimin prej 1.2% të vitit të kaluar.<br /><br />Gjithsesi, thekson raporti, kushtet janë bërë më të luhatshme që nga mesi i vitit 2013. Përveç reduktimit të vazhdueshëm të fondeve më bankat e huaja, portofoli i flukseve drejt CESEE, përjashtuar Rusinë dhe Turqinë, u kthye në negativ në tremujorin tretë 2013, për herë të parë që nga 2009. Ndërsa ky fluks u rimëkëmb sërish në tremujorin e katërt 2013, presionet mund të rishfaqen, në rast se rreziku që vjen nga përshkallëzimi potencial i tensioneve gjeografike në rajon, do të nxisë më tej luhatshmërinë financiare. Në këtë drejtim mund të ndikojnë dhe rruga drejt normalizimit të politikës monetare në ekonomitë e avancuara dhe mundësia që eurozona të përballet me një rritje të dobët. - See more at: http://www.shqiptarja.com/ekonomi/2733/fmn-rritja-p-r-shqip-rin--mbetet-2-1-n--2015-parashikohet-rritje-212129.html#sthash.nqB...
